يا ناس يا عالم سكتوا هذا الي يصيح
وين أروح ؟؟؟ وين اطس بوجهي؟؟؟وين أولي؟؟؟
بالبيت أمي وأبوي صياح على الآخر ما واحد فيهم يتنازل للثاني تقول حلبة مصارعة
وآخرتها كل واحد يجي ويحط حرته فيني
لا وأبوي يقول: والله لو مالعيال ما صبرت عليك يوم واحد وذاك الكف يطيرها
وأمي تقول: والله علشانكم صابرة واضحي الله ياخذكم مانتوا حاسين فيني
أروح المدرسة وإلا الأستاذ يا فاشل ما فراسك إلا الدشرة ورى ما حلقت ،وراك لابس ثوب ضيق وطويل ،سلامات يا لقدوة تبي مرايا
لا ويقول ترى التدخين حرام وممنوع وهو ريحته هو وأبوي ما تنطاق
اخرج الشارع ما في إلا مضاربات وكلام من الي "زززز" وإذا ما جاريتهم يصير مشكوك بأمري اقلها يا لخجول تعال ناخذ لفة
وإذا خرجنا بالسيارة مع العيال توقفنا الدورية
وين رايحين ؟ومن وين جايين؟ و ليش لابسين ها لملابس؟وليش حاطين بشعوركم" جن"؟أظنكم رايحين ترقصوا ولا تغازلوا
ومن غير ما يعطيك فرصة للرد ما تلقى إلا الكفوف ااااااااااااااااااح ويشيلك في الدورية وفضايح ويرجع أبوي على أمي وأمي علي و حوسة
بطلت أروح مع العيال لأنه اغلب الأماكن للعوائل اما احنا الشباب دشير على ما يقولون
والأماكن المخصصة لنا شيش وفضائيات وأمي تقول لا تروح بعدين عماتك واعمامك والناس يقولون شف عيالها وش يسوون
ابي أسجل بنادي لكن أبوي يقول مصاريف مالها داعي روح الشارع والعب كورة وصاحبي يقول انت مملوح ما ادري!!!!! حتى خلقة الله ما تركوها !!!!!
والله ماحد حولي لكن بتم أصيح لين تشوفون لي حل
هذا أنا جالس بالبيت أحاول ادرس أحط أصابعي بذوني ولا ابي أشوف احد
اضغط على نفسي وادرس على الله افتك من العذاب المهين
وتجيني "سوير "اختي وتقول ادرس تراك ثانوية عامة واحمد ربك على النعمة الي أنت فيها انا حتى مااقدر اطلع
(انتظروا بعد صياحها)
وادرس وانجح بس معدلي مهو بزين والدرجات العالية للمواد إلي أحبها وميولي لها ،والمتدنية عكسها، واحاول ادخل الجامعة بعد تكفيخ من الوالد " طبعا بواسطة" ويا حليل الضعيف"
وأسجل في قسم هو وين وميولي وين
ويا ويل إن تكلمت متفضلين علي وموبعاجبني
وأصارع أنا وذا القسم الين ما تخرج
وأشيل ملفي وأدور على مكاتب التوظيف عسى احد يعبرني
وأمي تقول روح بيع خضار الين تجيك وظيفة
والله أبيع خضار اصرف من هالتخصص إلي مراح أفيد الناس فيه بشي
لكن وش نظرة أصحابي لي وأنا شايل الطماط والكوسة وأبيعها أقول انرز بالبيت اصرف ولا همتك دنياك افرش فراشك ونم
أطالع هالفضائيات وأصيح
يوم أفلام رعب ويوم خيال ويوم اكشن ويوم أقول يا ولد ارجع لربك وأشوف أستاذ يقول كلام وش زينه يجينا مطوع ويقول لا تسمعون له تراه يدخلكم الإسلام من باب ويخرجكم من باب
واسمع لقناة ثانية تقول إن بعض المطاوعة يعلمونا الإرهاب وأزيد أصيح من الحيرة
وأتأزم وأقول يا ولد قم شوفلك ها لأغنية والفيديو كليب ونس خاطرك شوي
والله ويا زين ها لوناسة تونست** تونست **تونست** وبعدين وين افرغ شحنات الغرام والهيام والحب والغزل
والله حرام يا ناس حرام يمكن أنا أعقل المجانين وعشان كذا أصيح بدل شيء ثاني
أنا شاب من غير وظيفة ،ومن غير بيت، ومن غير زوجة، وأطفال ومن غير هدف ووجودي بهالدنيا بالناقص
منقوووووووووووووووووووووووووووول
موضوع: يا ناس يا عالم سكتو اللي يصيحون 
الثلاثاء مارس 11, 2008 9:00 pm
